We never enter deal wit NNPC o! – Nigerian Football Federation

Nigeria Football Federation

De Naija Football Federation (NFF) don yarn all man say na lie o, dem never follow Naija National Petroleum Corporation (NNPC) enter deal on top salary for new Super Eagles coachie.

Amebo wey dey soji for Naija since last week bin dey claim say NFF don enter $1.5 million deal wit NNPC to take dey pay salary and alawi of new coachie wey Naija go get.

But Honourable Suleiman Yahaya-Kwande, who be Chairman for NFF Media and Publicity Committee open mouth yarn all man say de tori na lie.

“All dis tori say we don chook biro inside paper wit NNPC na big lie o. De writers just wan write anytin na why,” hin relate.

“But we go really joli wella if e fit happen o. We still dey try to toast companies wey go helep us wit de salaries and alawi sha.

“But we (NFF) never enter any deal wit NNPC o. Make all man know now.”

NFF get three coachies for dem shortlist. Dat one na Salisu Yusuf, Tom Saintfeit plus including Paul Le Guen.

And Sports Ration don gather am confam say de Technical and Development Committee go do interview for de three of dem on Monday, July 18, and NFF executive committee go com later let all man know who be de new coachie..

Get more stuff like this
in your inbox

Subscribe to our mailing list and get interesting stuff and updates to your email inbox.

Thank you for subscribing.

Something went wrong.

Leave a Reply