First fruit giving: should it deprive or multiply you?


– My guy, abeg I need a little help from you.

– Wetin hapun?

– Abeg I need you to quick borrow me 150k make I use settle my house rent.

– Shuo! Na dat one you call little epp? Wetin hapun no be yesterday dem pay us salary…you lost your own?

– Guy, I no lost am. I just use am pay for the first fruit for church. Abeg just borrow me I go give you back.

– Fruit? Abi I know hear you well? Which kain fruit expensive like that wey you take your whole salary pay for? Na from Garden of Eden dem pluck am from?

– I no buy fruit. I say first fruit offering. Guy no need to dey ask all these questions na. Just help me.

– Your head voltage dey very low my guy. So as January long reach, wey all of us dey endure am, you come carry all your salary take do offering for church. You come dey ask me to epp you pay your house rent? Look my eye well, se I resemble mumu? Se me I no get wetin I go take money do for my life?

– Guy, so you go happy make my landlord evict me and my family? Help me na…

– Wetin concern me? If dem evict you make you move to the shursh go dey sleep there na. In fact you dey vex me sef….

(Walks away)


Get more stuff like this
in your inbox

Subscribe to our mailing list and get interesting stuff and updates to your email inbox.

Thank you for subscribing.

Something went wrong.


Leave a Reply